Mga Hugots sa TCH
So karon na medyo taas ang ECQ ... giningaw ba mo sa TCH (Transcentral Hiway) para muhanggap ug lab-as na hangin ug mukaon sa mainit na sweetcorn sa Cantipla ug sa Gaas?
Giningaw napod ba mo sa quesadillas sa Adventure Cafe, pizza sa West 35, kape sa 21 kilometers coffee, strawberry sa Strawberry de Cantipla ug uban pa?
Gimingaw pod ko apan aguanta lang usa ta, wala bitaw poreber.
Unsay may binisaya aning disclaimer? Ah kani nalang basta pahibalo lang ko nga DILI ko binayran aning amonsagana ha ug wala pod koy kaila sa maong kompanya. Nalingaw rako sa ilang post kay naa jud sa poste wala sa retaining wall. Upat nako ka tuig sigig agi niining dalana. Unya sa matag agi nako sa TCH mura jud ni sila ug musitsit ug mukamay nga nagkanayon... "hunong usa ug pictyuri ko". Busa muhunong sad tawn ko usahay kung makalugar ug mag padaplin ug kung wala ko magdali para dili maabtan sa ka-ihi-on. Muhunong sab ko niining mga poste sa panahon nga ako magduka sa pag drive pauli sa siyudad sa Sugbo or pabalik na sa Balamban arun mu trabaho.
Nakakita naba mo ani sa Transcentral Hiway? Kung wala pa suwayi ug basa... Pwede rajud ka mulihay kung maigo ka!
